正如之前講過，好少織領口往下織係因為通常尺寸都唔啱，衫身太窄袖太闊，但係又唔係個個圖都改到，所以會唔啱，要改嚟改去，反正要改咁領口往下織都冇快到。

有客人覺得好奇怪，平時我哋都好少整衫，做乜呢排會整，其實我哋自己不嬲都有織衫俾自己著，因為嗰啲衫嘅尺寸全部都係自己身材 tailor-made ，其他人都唔啱着，亦都未必睇得明個圖, 因為比自己睇就唔使做得咁靚。

做設計之前就梗係要做下research 㗎啦，於是就做咗好大量嘅參考啦, 同時不停喺度揀Pattern睇Pattern書啦, 又試花啦。因為個花是往下織，我係會反轉嚟睇, 睇吓往下織係咩樣。

計數計數計數，真係好燒腦，計完都容易肚餓啲。😝

如果淨係計一個尺碼，咁其實乜嘢花樣都可以夾到條數。如果要好多個尺碼，只要下面係平針，其實N個尺碼都可以夾到。👏

不過要衫身上下都要有花樣，又要有好多个唔同嘅尺碼，咁就真係計到暈，但係又冇理由件件衫下面都係平咋嘛，咁對於設計者來講其實都冇挑戰。織嗰個人都會悶死。😝

仲有幾件牛角袖進行中 … 之後仲有肩章袖  

手呀, 多幾對吖